سيارات الاسعاف فى بنغازي - بالعامية

اخر موقف ممكن انتخيل ان اصير قدامي !!  لا ومن سيارة اسعاف؟؟
وانا امروحة من العمل  فى الظهر  سيارة اسعاف اتبيب (منبه السيارة)  عالي وتجري  فى طريق مستشفى  7 اكتوبر قدامنا كانت فى سيارة وقدامها سيارة الاسعاف  تجتاز فى السيارات  وفجاة اطيح المريض من سيارة الاسعاف بالبرايلا وسط الطريق صوت عظمه سمعناه  وسواق سيارة الاسعاف المارشه عالقها 4 والمريض وحده قاعد فى السيارة ما انتبهتش ان المريض طاح  اصلان  و السيارة من السرعة فرقت حال الاكشن ...فى لحظتها قلنا  اكيد كاميرا خفية  والناس منفجعين عاى الراجل اللي  ما انضني ايعيش شالوه الناس فى سيارة خاصة ....من ايتحمل مسؤولية المريض ؟وهذا غير المراة اللي ما حوتك طلعوها الجيران من حوشها اللي شايطه فيه النار وجت سيارة الاسعاف  لكن للاسف المراة ماتت لان انبوبة الاكسجين فاضية ...من ايتحمل مسؤؤلية الاهمال؟